IBF jáne IBO nusqalary boiynsha orta salmaqtaǵy álem chempiony Gennadii Golovkin (41-1-1, 36KO) eń kóp soqqy jasaityn álem boksshylary qataryna kirdi, dep habarlaidy QazAqparat Vkontakte áleýmettik jelisindegi «Qazaqstannyń kásipqoi boksy» paraqshasyna silteme jasap.
Boksta soqqylardy baǵalaýdyń Compubox kompiýterlengen júiesiniń derekterine sai, Golovkin ortasha alǵanda, bir raýndta 64,2 soqqy jasaidy. Bul – orta salmaq sanatyndaǵy ekinshi kórsetkish.
Bir raýndta eń kóp soqqy jasaityn boksshy – ringte jeńilip kórmegen meksikalyq Haime Mýngiia (38-0, 30KO). Ol raýndyna 65,9 ret urady.
Bir raýndta eń kóp soqqy jasaityn orta salmaqtaǵy úzdik altylyq tómendegidei:
Haime Mýngiia — 65,9;
Gennadii Golovkin — 64,2;
Sergei Derevianchenko — 63;
Demetriýs Andrade — 53,4;
Riota Mýrata — 50,3;
Djermall Charlo — 47,1.
