Gennadii Golovkin Búkilálemdik boks sýperseriiasynda óner kórsetýge resmi shaqyrtý aldy. Búkilálemdik boks sýperseriiasyn (WBSS) uiymdastyrýshylar – aǵaiyndy Kalle men Nisse Zaýerlandtar týrnirdiń úshinshi maýsymyna qatysty josparlaryn jariialady, dep habarlaidy Sports.kz.
Promoýterler birden birneshe salmaq dárejesindegi jarystardy uiymdastyrýdy qarastyrady: aýyr, birinshi aýyr, orta, jeńil/ekinshi jeńil jáne ekinshi jartylai jeńil salmaqtaǵy áielder arasynda. Orta salmaqqa keletin bolsaq, Zaýerlandtar orta salmaqtaǵy qatysýshy retinde IBF/IBO álem chempiony Gennadii Golovkindi atady.
«Orta salmaqtaǵy boksshylaryńyzdy atańyzdar: Gennadii Golovkin, Kris Iýbenk, Riota Mýrata jáne...», – dep jazdy Sauerland Bros Twitter-degi paraqshasynda.
Aita keteiik, WBSS úshinshi maýsymyna qatysýshylardyń salmaq sanaty men quramyn jankúierlerge Twitter jáne elektrondyq poshta arqyly anyqtaýdy usyndy. Olar qalaǵan salmaq divizionyn jáne boksshylardyń attaryn jaza otyryp, uiymdastyrýshylarǵa habarlasa alady.
