Qazaqstandyq kásipqoi boksshy Gennadii Golovkin Maiqudyqtaǵy 14-shaǵyn aýdanda balalarǵa arnalǵan sport alańyn salyp bermekshi, dep habarlaidy "Ult aqparat" boksshynyń áleýmettik jelisindegi paraqshasyna silteme jasap.
Aita ketken jón, kúni keshe Gennadii Golovkin Maiqudyqta jańadan salynǵan deneshynyqtyrý-saýyqtyrý kesheniniń ashylý saltanatyna qatysqan bolatyn. Sport keshenine GGG-diń aty berildi.
Al Qaraǵandy oblysynyń ákimi Erlan Qoshanovpen bolǵan kezdesý kezinde aimaq basshysy qoǵamdyq sanany jańǵyrtý, sonyń ishinde «Týǵan jer» baǵdarlamasy týraly aityp berdi. «Prezident barlyq biznesmenderdi týǵan jerge kóńil bólip, qoldan kelgenshe kómek berýge úndegen bolatyn. Bireýler mektep sala alady, endi bireýler óz aýlasyn abattandyra alady. Kásipkerlerdiń kóbisi osy bastamany qoldady», - dedi Qoshanov.
Óz sózinde Gennadii Golovkin atalǵan bastamadan tys qalmaitynyn jetkizdi. «Men atalǵan baǵdarlamaǵa qýana-qýana qosylamyn. Men ózim týyp ósken aýlada balalarǵa arnalǵan sport alańyn jasap bersem, durys dep oilamyn. Prezidenttiń bastamasyn tolyǵymen qoldaimyn», - dep atap kórsetti Golovkin.
