قازاقستاندىق كەسٸپقوي بوكسشى گەنناديي گولوۆكين مايقۇدىقتاعى 14-شاعىن اۋداندا بالالارعا ارنالعان سپورت الاڭىن سالىپ بەرمەكشٸ, دەپ حابارلايدى "ۇلت اقپارات" بوكسشىنىڭ ەلەۋمەتتٸك جەلٸسٸندەگٸ پاراقشاسىنا سٸلتەمە جاساپ.
ايتا كەتكەن جٶن, كٷنٸ كەشە گەنناديي گولوۆكين مايقۇدىقتا جاڭادان سالىنعان دەنەشىنىقتىرۋ-ساۋىقتىرۋ كەشەنٸنٸڭ اشىلۋ سالتاناتىنا قاتىسقان بولاتىن. سپورت كەشەنٸنە GGG-دٸڭ اتى بەرٸلدٸ.
ال قاراعاندى وبلىسىنىڭ ەكٸمٸ ەرلان قوشانوۆپەن بولعان كەزدەسۋ كەزٸندە ايماق باسشىسى قوعامدىق سانانى جاڭعىرتۋ, سونىڭ ٸشٸندە «تۋعان جەر» باعدارلاماسى تۋرالى ايتىپ بەردٸ. «پرەزيدەنت بارلىق بيزنەسمەندەردٸ تۋعان جەرگە كٶڭٸل بٶلٸپ, قولدان كەلگەنشە كٶمەك بەرۋگە ٷندەگەن بولاتىن. بٸرەۋلەر مەكتەپ سالا الادى, ەندٸ بٸرەۋلەر ٶز اۋلاسىن اباتتاندىرا الادى. كەسٸپكەرلەردٸڭ كٶبٸسٸ وسى باستامانى قولدادى», - دەدٸ قوشانوۆ.
ٶز سٶزٸندە گەنناديي گولوۆكين اتالعان باستامادان تىس قالمايتىنىن جەتكٸزدٸ. «مەن اتالعان باعدارلاماعا قۋانا-قۋانا قوسىلامىن. مەن ٶزٸم تۋىپ ٶسكەن اۋلادا بالالارعا ارنالعان سپورت الاڭىن جاساپ بەرسەم, دۇرىس دەپ ويلامىن. پرەزيدەنتتٸڭ باستاماسىن تولىعىمەن قولدايمىن», - دەپ اتاپ كٶرسەتتٸ گولوۆكين.
