Foto: vera_kravth/Instagram
Belarýstegi «Golos» jobasynyń eks-qatysýshysyn Mianmada óltirip, aǵzalaryn satyp jibergen. Bul týraly «Minskaia pravda» gazetine silteme jasap Ult.kz habarlaidy.
Belarýstiń Minsk qalasynan shyqqan 26 jastaǵy Vera K. Tailandqa model bolyp jumys isteý maqsatynda barǵan, alaida skam-ortalyqtaǵy eńbek quldyǵyna túsip, aqyrynda Mianmada óltirilip, aǵzalary satylǵan.
Basylymnyń málimetinshe, Vera internet arqyly «Tailandta model retinde qosymsha jumys» týraly jarnamaǵa tap bolǵan. Usynys senimdi kóringen soń, ol Bangkokqa ushyp barady. Alaida belgisiz adamdar ony Mianmaǵa aparyp, skam-ortalyqqa jumysqa ornalastyrǵan. Mundai ortalyqtarda qyzdar tanysý saittarynda er adamdarmen sóilesip, olardy túrli jobalarǵa investitsiia salýǵa úgitteidi. Keiinnen bul qarajat alaiaqtardyń esepshotyna túsedi.
Vera qazan aiynyń basynda týystarymen bailanysyn úzgen. Birneshe kúnnen keiin onyń jaqyndaryna belgisiz adamdar habarlasyp, boijetkendi tiri kórgileri kelse 500 myń AQSh dollaryn berýlerin talap etken.
Alaida keiin boijetkendi óltirip, aǵzalaryn satyp jiberip, denesin krematsiialaǵanyn aitqan.
Qazir oqiǵa boiynsha tergeý júrgizilip jatyr ma, álde qylmyskerler anyqtaldy ma – bul týraly ázirge resmi aqparat joq.
