10 naýryzda QR Mádeniet jáne sport ministrliginde Dáýren Abaevtyń tóraǵalyǵymen elimizdegi kinoindýstriiany damytý máselelerine arnalǵan keńes ótti. Oǵan kinoprokat naryǵynda tanylǵan otandyq kompaniialardyń basshylary qatysty, dep habarlaidy "Ult aqparat" vedomstvonyń baspasóz qyzmetine silteme jasap.
"Qazirgi ýaqytta sheteldik kompaniialarmen barlyq qajetti kelissóz júrgizilip jatyr.
Atap aitqanda, Gollivýdtyń úsh stýdiiasy - Universal Pictures, Warner Bros. jáne Paramount Pictures buryn bekitilgen kestege sáikes qazaqstandyq kórermenderge óz kartinalaryn usynýdy jalǵastyrady.
Walt Disney Company jáne Sony kompaniialarymen otandyq kinoprokatshylar QR MSM qatysýymen tikelei kelissózder júrgizýde. Tiisti kelisimderge qol jetkizý úshin aitarlyqtai kedergiler joq" - delingen ministrlik habarlamasynda.
Kelissózder nátijesi men qazaqstandyq kinoteatrlardyń odan ári jumysynyń basqa da egjei-tegjeii týraly qosymsha habarlanbaq.
