QR Bas prokýrory Ǵizat Nurdáýletov TMD elderi bas prokýrorlaryna eldegi quqyqtyq reformalar týraly málimet berdi, dep habarlaidy QazAqparat.
«Qazaqstan Respýblikasy Prezidentiniń tapsyrmasy boiynsha quqyq qorǵaý blogy men sot júiesin reformalaýǵa baǵyttalǵan úlken jumys júrip jatyr. Prokýratýra organdarynyń qyzmetin qaita júktep jatyrmyz dese de bolady. Mundaǵy maqsattardyń biri – salalardyń bárinde, eń birinshi qylmystyq protsestterde azamattardyń quqyqtyq kepildigin kúsheitý. Búgin biz áriptesterimizge tájiribemizdi almasyp, osy jumystyń nátijeleri týraly aityp beremiz», - dedi ol TMD-ǵa múshe memleketter bas prokýrorlarynyń úilestirý keńesiniń májilisinde.
Aita keteiik, búgin elordada TMD-ǵa múshe memleketter bas prokýrorlarynyń úilestirý keńesiniń jiyny ótip jatyr.
Jiynda QR Bas prokýrory biyl TMD-ǵa múshe memleketterdiń kóbi el táýelsizdiginiń 30 jyldyǵyn toilap jatqanyn eske saldy. «Biyl aramyzda kóptegen elder Táýelsizdiktiń 30 jyldyǵyn atap ótip jatyr. Osy jyldar ishinde biz zańdylyqty nyǵaitý jáne qylmysqa qarsy kúres isinde mańyzdy baǵyttar boiynsha bailanysymyzdy ydyratpai, jemisti yntymaqtastyq ornattyq», - dep túiindedi Ǵizat Nurdáýletov.
