قر باس پروكۋرورى عيزات نۇردەۋلەتوۆ تمد ەلدەرٸ باس پروكۋرورلارىنا ەلدەگٸ قۇقىقتىق رەفورمالار تۋرالى مەلٸمەت بەردٸ, دەپ حابارلايدى قازاقپارات.
«قازاقستان رەسپۋبليكاسى پرەزيدەنتٸنٸڭ تاپسىرماسى بويىنشا قۇقىق قورعاۋ بلوگى مەن سوت جٷيەسٸن رەفورمالاۋعا باعىتتالعان ٷلكەن جۇمىس جٷرٸپ جاتىر. پروكۋراتۋرا ورگاندارىنىڭ قىزمەتٸن قايتا جٷكتەپ جاتىرمىز دەسە دە بولادى. مۇنداعى ماقساتتاردىڭ بٸرٸ – سالالاردىڭ بەرٸندە, ەڭ بٸرٸنشٸ قىلمىستىق پروتسەستتەردە ازاماتتاردىڭ قۇقىقتىق كەپٸلدٸگٸن كٷشەيتۋ. بٷگٸن بٸز ەرٸپتەستەرٸمٸزگە تەجٸريبەمٸزدٸ الماسىپ, وسى جۇمىستىڭ نەتيجەلەرٸ تۋرالى ايتىپ بەرەمٸز», - دەدٸ ول تمد-عا مٷشە مەملەكەتتەر باس پروكۋرورلارىنىڭ ٷيلەستٸرۋ كەڭەسٸنٸڭ مەجٸلٸسٸندە.
ايتا كەتەيٸك, بٷگٸن ەلوردادا تمد-عا مٷشە مەملەكەتتەر باس پروكۋرورلارىنىڭ ٷيلەستٸرۋ كەڭەسٸنٸڭ جيىنى ٶتٸپ جاتىر.
جيىندا قر باس پروكۋرورى بيىل تمد-عا مٷشە مەملەكەتتەردٸڭ كٶبٸ ەل تەۋەلسٸزدٸگٸنٸڭ 30 جىلدىعىن تويلاپ جاتقانىن ەسكە سالدى. «بيىل ارامىزدا كٶپتەگەن ەلدەر تەۋەلسٸزدٸكتٸڭ 30 جىلدىعىن اتاپ ٶتٸپ جاتىر. وسى جىلدار ٸشٸندە بٸز زاڭدىلىقتى نىعايتۋ جەنە قىلمىسقا قارسى كٷرەس ٸسٸندە ماڭىزدى باعىتتار بويىنشا بايلانىسىمىزدى ىدىراتپاي, جەمٸستٸ ىنتىماقتاستىق ورناتتىق», - دەپ تٷيٸندەدٸ عيزات نۇردەۋلەتوۆ.
