Astronomdar 19 ǵasyrda Mars pen Iýpiterdiń arasynda asteroidtardyń Negizgi beldeýinen tabylǵan Gigeia asteroidyn Kún júiesindegi eń kishkentai planeta dep ataýdy usyndy. Usynys Nature Astronomy jýrnalynda jariialandy.
Ǵalymdar Gigeia asteroidyn Chilidegi VLT teleskopymen zerttep, minsiz sfera pishindes ekenin anyqtady. Shar tárizdes forma – astronomdar belgilegen "ergejeili planeta" ólshemderiniń biri.
"Ergejeili planeta" anyqtamasyna sai kelýi úshin Kún júiesindegi ǵarysh denesi spýtnik bolmai, sfera pishinin saqtaityn belgili bir salmaqpen Kúndi ainalýy kerek. Halyqaralyq astronomiia odaǵy 2006 jyly osyndai ólshem bekitken.
Qazirgi ýaqytta Kún júiesinde "ergejeili planeta" anyqtamasyna sai keletin bes nysan bar. Olardyń eń belgilisi asteroidterdiń Negizgi beldeýindegi Tserera. Gigeia bárinen kishi. Diametri 430 kilometr Gigeia diametri 2376 kilometr Plýtonnan bes jarym ese shaǵyn.
Gigeianyń jańa mártebesin halyqaralyq astronomiialyq odaq resmi túrde bekitýi tiis. Bas assambleianyń kelesi otyrysy 2021 jyly Ońtústik Koreianyń Pýsan qalasynda ótedi.
