استرونومدار 19 عاسىردا مارس پەن يۋپيتەردٸڭ اراسىندا استەرويدتاردىڭ نەگٸزگٸ بەلدەۋٸنەن تابىلعان گيگەيا استەرويدىن كٷن جٷيەسٸندەگٸ ەڭ كٸشكەنتاي پلانەتا دەپ اتاۋدى ۇسىندى. ۇسىنىس Nature Astronomy جۋرنالىندا جارييالاندى.
عالىمدار گيگەيا استەرويدىن چيليدەگٸ VLT تەلەسكوپىمەن زەرتتەپ, مٸنسٸز سفەرا پٸشٸندەس ەكەنٸن انىقتادى. شار تەرٸزدەس فورما – استرونومدار بەلگٸلەگەن "ەرگەجەيلٸ پلانەتا" ٶلشەمدەرٸنٸڭ بٸرٸ.
"ەرگەجەيلٸ پلانەتا" انىقتاماسىنا ساي كەلۋٸ ٷشٸن كٷن جٷيەسٸندەگٸ عارىش دەنەسٸ سپۋتنيك بولماي, سفەرا پٸشٸنٸن ساقتايتىن بەلگٸلٸ بٸر سالماقپەن كٷندٸ اينالۋى كەرەك. حالىقارالىق استرونومييا وداعى 2006 جىلى وسىنداي ٶلشەم بەكٸتكەن.
قازٸرگٸ ۋاقىتتا كٷن جٷيەسٸندە "ەرگەجەيلٸ پلانەتا" انىقتاماسىنا ساي كەلەتٸن بەس نىسان بار. ولاردىڭ ەڭ بەلگٸلٸسٸ استەرويدتەردٸڭ نەگٸزگٸ بەلدەۋٸندەگٸ تسەرەرا. گيگەيا بەرٸنەن كٸشٸ. ديامەترٸ 430 كيلومەتر گيگەيا ديامەترٸ 2376 كيلومەتر پلۋتوننان بەس جارىم ەسە شاعىن.
گيگەيانىڭ جاڭا مەرتەبەسٸن حالىقارالىق استرونومييالىق وداق رەسمي تٷردە بەكٸتۋٸ تيٸس. باس اسسامبلەيانىڭ كەلەسٸ وتىرىسى 2021 جىلى وڭتٷستٸك كورەيانىڭ پۋسان قالاسىندا ٶتەدٸ.
