Germaniianyń Leverkýzen qalasyndaǵy Biýrrig aýdanynda ornalasqan kásiporynda qýatty jarylys boldy, dep habarlaidy QazAqparat Euronews-ke saityna silteme jasap.
Keibir derekter boiynsha, apat Bayer himiia-farmatsevtika kompaniiasynyń nysandarynyń birinde bolǵan. Taǵy bir derekte apat Currenta himiia kásipornynda, iaǵni munai bazasynda oryn alǵan. «Apat qoqys órteitin zaýytta bolǵan» degen boljam bar.
Ázirge zardap shekkender týraly habar túspegen. Kýágerlerdiń aitýynsha, oqiǵa ornynan aspanǵa qara tútin býdaqtap kóterilgen. Tútin Býrshaid jáne Laihlingen baǵytynda kóshken.
Biýrrigke qutqarý qyzmetteri keldi. Leverkýzen politsiiasy turǵyndardy páterinen shyqpaýdy, tereze men esikti ashpaý kerektigin eskertti.
FOCUS Online-niń dereginshe, Leverkýzenniń Kelnge aparatyn aýdanyndaǵy avtomagistraldiń bir bóligi jabylǵan. A pattyń sebebi ázirge belgisiz.
Boljam boiynsha, aýmaǵynda jarylys bolǵan himiia zaýytynda 5 myńnan asa túrli himikat óndiriledi. Olardyń qatarynda azottaý jáne hlorlaý protsesterine arnalǵan zattar, hosh iisti kómirsýtekter, jeńil himikattar bar. Kádege jaratý jáne qaita óńdeý ortalyǵynda himiialyq lastanǵan qaýipti qaldyqtar qaita óńdeledi.
