Germaniia politsiiasy Frankfýrtqa jaqyn Hanaý qalasynda bolǵan atystan keminde segiz adam qaza bolǵanyn, kúshtik qurylymdardyń kólikpen qashqan qarýly kúdiktilerdi izdep jatqanyn habarlady. 19 aqpanda túnde bolǵan atysqa naqty ne sebep bolǵany aitylmaidy. Arnaiy jasaq ókilderi Hanaý ortalyǵyndaǵy eki kósheni qorshaǵan.
Jergilikti aqparat quraldarynyń jazýynsha, shabýyldaýshylar áýeli qaladaǵy eki qorqor barǵa (kalian bar) oq atqan. Keiinirek ortalyq alańdardyń birinde júrgen adamdarǵa shabýyl jasaǵan. Politsiia qyzmetkerleri men tikushaqtar eki aýmaqty da kúzetip júr.
Politsiianyń 20 aqpanda túnde taratqan málimdemesinde oqiǵanyń shamamen túngi saǵat 22.00-de bolǵany, segiz adamnyń qaza bolǵany aitylady.
