گەرمانييا پوليتسيياسى فرانكفۋرتقا جاقىن حاناۋ قالاسىندا بولعان اتىستان كەمٸندە سەگٸز ادام قازا بولعانىن, كٷشتٸك قۇرىلىمداردىڭ كٶلٸكپەن قاشقان قارۋلى كٷدٸكتٸلەردٸ ٸزدەپ جاتقانىن حابارلادى. 19 اقپاندا تٷندە بولعان اتىسقا ناقتى نە سەبەپ بولعانى ايتىلمايدى. ارنايى جاساق ٶكٸلدەرٸ حاناۋ ورتالىعىنداعى ەكٸ كٶشەنٸ قورشاعان.
جەرگٸلٸكتٸ اقپارات قۇرالدارىنىڭ جازۋىنشا, شابۋىلداۋشىلار ەۋەلٸ قالاداعى ەكٸ قورقور بارعا (كاليان بار) وق اتقان. كەيٸنٸرەك ورتالىق الاڭداردىڭ بٸرٸندە جٷرگەن ادامدارعا شابۋىل جاساعان. پوليتسييا قىزمەتكەرلەرٸ مەن تٸكۇشاقتار ەكٸ اۋماقتى دا كٷزەتٸپ جٷر.
پوليتسييانىڭ 20 اقپاندا تٷندە تاراتقان مەلٸمدەمەسٸندە وقيعانىڭ شامامەن تٷنگٸ ساعات 22.00-دە بولعانى, سەگٸز ادامنىڭ قازا بولعانى ايتىلادى.
