Germaniianyń densaýlyq saqtaý ministri Iens Shpannan koronavirýs anyqtaldy, habarlaidy "Ult aqparat".
Koronavirýs pandemiiasy kezinde Germaniiadaǵy eń tanymal tulǵa bolǵan 40 jastaǵy saiasatker birden úi karantinine jiberildi. Ministr emdi úide qabyldaidy.
Apta basynda I.Shpan úkimet otyrysyna qatysqan bolatyn. Ol virýs juqtyrýshysy bolýy múmkin. Alaida, Germaniiadaǵy keibir BAQ-tyń habarlaýynsha, I.Shpan gigiena erejelerin saqtap, maska taqqan, sondyqtan onyń ministrler kabinetindegi áriptesterine karantinge ketý mindetti emes.
Sondai-aq, Germaniiada COVID-19 juqtyrýshylar sany ósýde. Robert Koh institýtynyń málimetinshe, sońǵy táýlikte elde 7 595 koronavirýsqa shaldyǵýdyń jańa jaǵdaiy tirkelgen. Aýrý juqtyrý kórsetkishi 100 myń halyqqa shaqqanda 51 syrqattaný jaǵdaiyn quraidy. Germaniiada pandemiia bastalǵaly 380 myńnan astam koronavirýsqa shalydǵý jaǵdaiy tirkelgen. Olardyń 302 myńnan astamy emdelip shyqqan. 9966 adam qaýipti indetten kóz jumǵan.
