Qazaqstanda koronavirýs juqtyrǵan eki adam anyqtaldy, dep habarlaidy "Ult aqparat".
"Úsh aidan beri biraz sharýa atqaryldy. Biraq, ókinishke qarai, búgin birneshe tekseristen keiin eki Qazaqstan azamatynan koronavirýs infektsiiasy tabyldy. Bas sanitarlyq qaýlymen bul eki patsient karantindik statsionarǵa jatqyzyldy", - dedi densaýlyq saqtaý ministri Eljan Birtanov ortalyq kommýnikatsiialar qyzmetinde ótken baspasóz máslihatynda.
Ministrdiń aitýynsha, qazirgi kezde patsientterdiń jaǵdaiy jaqsy, barlyq qajetti protsedýralar atqarylyp jatyr.
"Dárigerler daiyn, olar ne isteý kerektigin biledi. Biz kóp qiyndyqtan ótkenbiz. Osy qiyndyqtan da ótemiz", - dedi Birtanov.
Birtanov eki azamat Germaniiadan ushaqpen kelgenin jetkizdi. Olardyń birge emes, ár kúni kelgeni belgili boldy.
"Ushaqpen kelgen barlyq azamat anyqtalyp, karantinge jatqyzylatyn bolady. Bizde jolaýshylardyń tizimi bar. 24 saǵattyń ishinde olardyń barlyǵy karantinge statsionarǵa jetkizilýi kerek. Al ekinshi ushaqta bolǵan 12 adam karantinge jatqyzyldy", - dep atap kórsetti Birtanov.
