Germaniiadan kelgen atyraýlyq stýdentten koronavirýs infektsiiasynyń belgisi tabylǵan joq, dep habarlaidy "Ult aqparat".
Bul týraly Inder aýdandyq ortalyq aýrýhanasynyń bas dárigeri Baýyrjan Tólegen habarlady.
«Áleýmettik jelide «Inderbor kentindegi aýrýhanada koronavirýspen aýyrǵan naýqas emdelýde» degen jalǵan aqparat tarady. Bizde karantinde Germaniiadan kelgen stýdent jatyr. Ol Eýropadaǵy ahýaldyń qiyndaýyna bailanysty elge oralǵan. Onyń otbasynda 85 jastaǵy ájesi men áke-sheshesi, qaryndasy bar. Olar úsh bólmeli úide turady. Sol sebepten, stýdentke Inder aýdandyq ortalyq aýrýhanasynda karantinge jatý usynyldy. Qazir ol jeke blokqa ornalastyryldy. Densaýlyǵy jaqsy, qyzýy da, shaǵymy da joq. Analiz qorytyndysy teris nátije kórsetti. Stýdent karantinde 29 naýryzǵa deiin bolady», - dedi Inder aýdandyq ortalyq aýrýhanasynyń bas dárigeri Baýyrjan Tólegen.
