Germaniiadaǵy sý tasqynynan qurban bolǵandar sany 59 adamǵa jetti. Júzdegen adam habar-osharsyz ketti, dep habarlaidy Deutsche Welle basylymy.
«Bernd» tsiklonynyń áserinen GFR-dyń Reinland-Pfalts federaldyq jerindegi Arvailer aýdanyna jaýǵan nóser jaýynnan 6 úi qulady, taǵy birneshe ǵimarat qulaǵaly tur.
Bul týraly beisenbi, 15 shilde kúni Berlinde federaldyq politsiianyń resmi ókili málimdegen.
Naqtylanǵan derekter boiynsha Germaniianyń batysyndaǵy ártúrli aýdandarda kem degende 59 adam kóz jumdy.
Sonymen, Koblents politsiiasy Reinland-Pfalts federaldy jerinde 28 adam qurban bolǵanyn, Kelndegi politsiia Soltústik Rein -Vestfaliiada taǵy 31 adamnyń qaitys bolǵanyn habarlady.
Eki federaldy jerdiń ondaǵan turǵynnyń habar-osharsyz ketkeni týraly habarlandy.
Alaida, keshke qarai Bad-Noienar-Arveiler okrýginiń biligi 1300 adam habar-osharsyz ketti dep málimdedi.
Okrýg ákimshiliginiń ókili bul aimaqta uialy bailanystyń bolmaýyna bailanysty bolýy múmkin ekenin túsindirdi.
Arveiler aimaǵynda úzdiksiz jaýǵan nóser men sý tasqynynyń saldarynan tótenshe jaǵdai jariialandy.
Buǵan deiin Germaniiada sý tasqyny saldarynan qurban bolǵandar sany 43-ke jetkeni habarlanǵan bolatyn.
