گەرمانيياداعى سۋ تاسقىنىنان قۇربان بولعاندار سانى 59 ادامعا جەتتٸ. جٷزدەگەن ادام حابار-وشارسىز كەتتٸ, دەپ حابارلايدى Deutsche Welle باسىلىمى.
«بەرند» تسيكلونىنىڭ ەسەرٸنەن گفر-دىڭ رەينلاند-پفالتس فەدەرالدىق جەرٸندەگٸ ارۆايلەر اۋدانىنا جاۋعان نٶسەر جاۋىننان 6 ٷي قۇلادى, تاعى بٸرنەشە عيمارات قۇلاعالى تۇر.
بۇل تۋرالى بەيسەنبٸ, 15 شٸلدە كٷنٸ بەرليندە فەدەرالدىق پوليتسييانىڭ رەسمي ٶكٸلٸ مەلٸمدەگەن.
ناقتىلانعان دەرەكتەر بويىنشا گەرمانييانىڭ باتىسىنداعى ەرتٷرلٸ اۋدانداردا كەم دەگەندە 59 ادام كٶز جۇمدى.
سونىمەن, كوبلەنتس پوليتسيياسى رەينلاند-پفالتس فەدەرالدى جەرٸندە 28 ادام قۇربان بولعانىن, كەلندەگٸ پوليتسييا سولتٷستٸك رەين -ۆەستفالييادا تاعى 31 ادامنىڭ قايتىس بولعانىن حابارلادى.
ەكٸ فەدەرالدى جەردٸڭ ونداعان تۇرعىننىڭ حابار-وشارسىز كەتكەنٸ تۋرالى حابارلاندى.
الايدا, كەشكە قاراي باد-نويەنار-ارۆەيلەر وكرۋگٸنٸڭ بيلٸگٸ 1300 ادام حابار-وشارسىز كەتتٸ دەپ مەلٸمدەدٸ.
وكرۋگ ەكٸمشٸلٸگٸنٸڭ ٶكٸلٸ بۇل ايماقتا ۇيالى بايلانىستىڭ بولماۋىنا بايلانىستى بولۋى مٷمكٸن ەكەنٸن تٷسٸندٸردٸ.
ارۆەيلەر ايماعىندا ٷزدٸكسٸز جاۋعان نٶسەر مەن سۋ تاسقىنىنىڭ سالدارىنان تٶتەنشە جاعداي جارييالاندى.
بۇعان دەيٸن گەرمانييادا سۋ تاسقىنى سالدارىنان قۇربان بولعاندار سانى 43-كە جەتكەنٸ حابارلانعان بولاتىن.
