Germaniianyń densaýlyq saqtaý ministri Iens Span tolyǵymen vaktsinalanǵan GFR turǵyndary qalypty ómir saltyna jyldam orala alatynyn málim etti, dep habarlaidy QazAqparat.
Germaniianyń densaýlyq saqtaý vedomstvosynyń basshysy vaktsina alǵan adamdar koronavirýsqa tapsyrǵan testisi teris nátije kórsetýi tiis degen siiaqty shekteý sharalarynsyz saiahattaýǵa, dúkenderge nemese shashtarazdarǵa bara alatynyn aitty.
I.Span óziniń málimdemesin nemis ǵalymdarynyń Federaldyq densaýlyq saqtaý ministrligine jasaǵan baiandamasynyń sońǵy ǵylymi nátijelerine negizdedi.
Nemistiń Robert Koh atyndaǵy Aýrýlarmen kúres institýty tolyq vaktsinalanǵan adamdar endi karantinge jatqyzylmaýy múmkin dep sanaidy.
Institýt ekinshi dozany alǵannan keiin 15 kún ótken soń vaktsinalanǵan adamdardan infektsiianyń berilý qaýpi infektsiia belgileri joq tulǵalarǵa qaraǵanda az bolǵanyn jáne tek antigenge ekspress testisi teris bolǵanyn aitady.
Qazirgi ýaqytta Germaniia turǵyndarynyń 12%-dan astamy COVID-19-ǵa qarsy eki faktorly vaktsinanyń alǵashqy dozasyn aldy, bul 10 millionnan astam azamatty quraidy.
