Nemis politseileri sársenbi kúni terakt jasamaq bolǵan kúdiktilerdi ustady, olar Tájikstan azamattary, dep habarlaidy "Ult aqparat" Reuters agenttigine silteme jasap.
Germaniianyń batysyndaǵy Soltústik Rein-Vestfaliia jeriniń quqyqqorǵaýshylary kúdiktilerdi Essen jáne Diýsseldorf qalalarynyń mańynda tutqyndady. Tórteýi de Tájikstannan shyqqan, DAISh músheleri.
Tutqyndalǵan tórt azamat sońǵy jylda qamaýda otyrǵan besinshi jaqtasymen birge Aýǵanstan men Siriiadaǵy DAISh ókilderimen bailanysyp, nusqaý alyp otyrǵan.
Germaniiadaǵy AQSh qarýly kúshteriniń mekemesi nemese jeke tulǵalar shabýyl qurbanyna ainalar edi. Kúdiktiler kópshilik aldynda islamǵa qatysty syni oilar aitqan adamdy óltirýdi josparlaǵan.
