Germaniiada koronavirýs juqtyrý jaǵdailarynyń eń kóp kúndizgi ósim kórsetkishi tirkeldi.
Robert Koh institýty ótken táýlikte elde 2034 adamnyń koronavirýs juqtyrǵanyn málim etti, dep habarlaidy dw saity.
Bul – sáýir aiynyń sońynan bergi eń kóp virýs juqtyrý kórsetkishi. Naýryz aiynyń sońy men sáýir aiynyń basynda SARS-CoV-2 jaǵdailarynyń maksimaldy táýliktik ósimi – 6000-nan asqan.
Ásirese aýrýǵa shaldyǵý jaǵdailarynyń kópshiligi eldiń batys jáne ońtústiginde, sondai-aq Berlinde tirkelgen. Sońǵy málimetter boiynsha, Germaniiada SARS-CoV-2 pandemiiasy bastalǵannan beri 232 082 adam indetke shaldyqqan, 206 600 adam saýyǵyp shyqqan. Koronavirýs infektsiiasynan 9267 adam qaitys boldy.
Sarapshylar infektsiia juqtyrý jaǵailary Germaniiada da Eýropanyń basqa elderinde de aitarlyqtai artyp kele jatqandyǵyn aitady.
Koronavirýs juqtyrý jaǵdailary kóbine adamdardyń ózge elderden demalystan qaityp kelip jatýyna jáne toi-tomalaqtardyń kóptep uiymdastyrylýymen bailanysty artqan.
Osyǵan bailanysty Germaniia kantsleri Angela Merkel koronavirýsqa qatysty shekteýlerdiń odan ári jeńildetilýine qarsy shyqty. GFR Densaýlyq saqtaý ministri Iens Shpan aldaǵy karnaval maýsymyn tolyǵymen alyp tastaýǵa shaqyrdy.
