Germaniiadaǵy joiqyn sý tasqyny saldarynan qaza tapqandar sany 156-ǵa jetti, - dep habarlaidy Tengrinews.kz tilshisi RIA Novosti portalyna silteme jasap.
Jeksenbide tańerteń Koblents politsiia basqarmasy Reinland-Pfalts jerinde apat qurbandarynyń sany taǵy 12 adamǵa, 110-ǵa deiin artqanyn habarlady.
Soltústik Rein - Vestfaliia jerinde taǵy 45 adam qaitys boldy (senbi keshke), Bavariianyń Berhtesgaden aýdanynda keminde bir adam qaitys boldy.
"Bernd" tsiklony Germaniianyń birden birneshe federal jerine toqtaýsyz jańbyr ákelgeni belgili.
Buǵan deiin Germaniianyń batysyndaǵy Reinland-Pfalts jáne Soltústik Rein-Vestfaliia federal jerinde sý tasqynynan kem degende 133 adam qaitys bolǵany habarlanǵan bolatyn.
Sondai-aq, Belgiia, Niderlandy jáne Frantsiiadaǵy qatty sý tasqyny úilerdiń qiraýyna jáne adam ólimine ákeldi.
Qazaqstan Prezidenti Qasym-Jomart Toqaev sý tasqynynan zardap shekkenderge bailanysty Germaniianyń Federaldyq kantsleri Angela Merkelge kóńil aitý jedelhatyn joldady.
