Germaniiada eldiń batysyndaǵy sý tasqynyna bailanysty áskeri apat rejimi engizildi, dep habarlaidy euronews.
Dúisenbiden beri aimaqta eki ailyq jaýynnyń mólsheri jaýyp, Reinniń eki salasy – Ar jáne Mozel jáne birneshe kishi ózen arnasynan asty.
Ásirese Soltústik Rein-Vestfaliia jáne Reinland-Pfalts jerleri zardap shekti. Topyraqtyń shógýine bailanysty keibir úiler qulady. Al keibir turǵyndar kóterilip jatqan sýdan qashyp, shatyrda kómek kútýge májbúr boldy. Óńirde qutqarýshylar men 900-ge jýyq áskeri qyzmetkerler jumys isteidi.
Sý tasqyny saldarynan júzden astam adamnyń ólimi rastaldy. Taǵy myńǵa jýyǵy habar- osharsyz ketken. Bilik olardyń sany az bolýy múmkin ekenin aitady. Alaida joldardy sýý basyp, uialy jelisiniń bolmaýyna bailanysty kóptegen adamdar zardap shekken aýdandarda turatyn týystarymen habarlasa almai otyr.
Germaniia prezidenti Frank-Valter Shtainmaier qaitys bolǵan jandardyń otbasyna kóńil aityp, qoldaý bildirdi. Sondai-aq elderdi jahandyq jylyný men klimattyń ózgerýine qarsy turý úshin kóp kúsh salýǵa shaqyrdy.
Esterińizge sala keteiik, osyǵan deiin Germaniiadaǵy sý tasqynynan qurban bolǵandar sany 59 adamǵa jetkeni jáne júzdegen adamnyń habar-osharsyz ketkeni habarlanǵan bolatyn.
