گەرمانييادا ەلدٸڭ باتىسىنداعى سۋ تاسقىنىنا بايلانىستى ەسكەري اپات رەجيمٸ ەنگٸزٸلدٸ, دەپ حابارلايدى euronews.
دٷيسەنبٸدەن بەرٸ ايماقتا ەكٸ ايلىق جاۋىننىڭ مٶلشەرٸ جاۋىپ, رەيننٸڭ ەكٸ سالاسى – ار جەنە موزەل جەنە بٸرنەشە كٸشٸ ٶزەن ارناسىنان استى.
ەسٸرەسە سولتٷستٸك رەين-ۆەستفالييا جەنە رەينلاند-پفالتس جەرلەرٸ زارداپ شەكتٸ. توپىراقتىڭ شٶگۋٸنە بايلانىستى كەيبٸر ٷيلەر قۇلادى. ال كەيبٸر تۇرعىندار كٶتەرٸلٸپ جاتقان سۋدان قاشىپ, شاتىردا كٶمەك كٷتۋگە مەجبٷر بولدى. ٶڭٸردە قۇتقارۋشىلار مەن 900-گە جۋىق ەسكەري قىزمەتكەرلەر جۇمىس ٸستەيدٸ.
سۋ تاسقىنى سالدارىنان جٷزدەن استام ادامنىڭ ٶلٸمٸ راستالدى. تاعى مىڭعا جۋىعى حابار- وشارسىز كەتكەن. بيلٸك ولاردىڭ سانى از بولۋى مٷمكٸن ەكەنٸن ايتادى. الايدا جولداردى سۋۋ باسىپ, ۇيالى جەلٸسٸنٸڭ بولماۋىنا بايلانىستى كٶپتەگەن ادامدار زارداپ شەككەن اۋدانداردا تۇراتىن تۋىستارىمەن حابارلاسا الماي وتىر.
گەرمانييا پرەزيدەنتٸ فرانك-ۆالتەر شتاينمايەر قايتىس بولعان جانداردىڭ وتباسىنا كٶڭٸل ايتىپ, قولداۋ بٸلدٸردٸ. سونداي-اق ەلدەردٸ جاھاندىق جىلىنۋ مەن كليماتتىڭ ٶزگەرۋٸنە قارسى تۇرۋ ٷشٸن كٶپ كٷش سالۋعا شاقىردى.
ەستەرٸڭٸزگە سالا كەتەيٸك, وسىعان دەيٸن گەرمانيياداعى سۋ تاسقىنىنان قۇربان بولعاندار سانى 59 ادامعا جەتكەنٸ جەنە جٷزدەگەن ادامنىڭ حابار-وشارسىز كەتكەنٸ حابارلانعان بولاتىن.
