Germaniiada 16 jyldan beri alǵash ret kantsler Angela Merkeldiń qatysýynsyz parlament sailaýy ótip jatyr. Angela Merkel 2018 jyly Hristian-demokratiialyq odaǵy jetekshiliginen bas tartyp, kantsler retindegi tórtinshi merzimi aiaqtalǵannan keiin saiasattan ketetinin málimdegen.
Germaniiada halyq partiiany tańdaidy, partiialar kantsler qyzmetine ókilin usynady.
Kantsler qyzmetine neǵurlym tanymal saiasi uiymdardan úsh úmitker usynylǵan, olar – Armin Lanshet, Hristian – demokratiialyq odaq tóraǵasy; Olaf Sholts, qazirgi vitse-kantsler ári Sotsial-demokratiialyq partiia múshesi jáne "Jasyldar" partiiasynan Annalena Berbok. Baqylaýshylar ázirge bulardyń qaisysy jeńeri belgisiz dep otyr.
Áleýmettik saýalnamaǵa qaraǵanda, býndestagqa alty partiia ótip, "Jasyldar" partiiasy kópshilik daýys alýy múmkin. Sailaýǵa barlyǵy 50 partiia men qozǵalys qatysyp jatyr.
