Germaniia biligi Berlin men Maindaǵy Frankfýrtte barlardyń jumysy men alkogol satýǵa shekteý qoiýǵa májbúr bolyp otyr, dep habarlaidy Euronews.
Osy aptada el astanasy men qarjy ortalyǵy qaýpi joǵary aimaqtar tizimin tolyqtyrdy. Germaniiada bir táýlik ishinde COVID-19 juqtyrýdyń 4,5 myńnan astam jańa jaǵdaiy anyqtaldy.
Barlardyń qojaiyndary jańa shekteýlerge qarsy bolyp otyr. Olardyń aitýynsha, komendattyq saǵat ekonomikaǵa aitarlyqtai ziian keltiredi.
Madrid pen onyń mańyndaǵy qalalar taǵy da keminde 2 aptaǵa jabylady. Munda virýstyń taralý deńgeii áli joǵary. Elde bir táýlikte 6 myńnan astam aýrýǵa shaldyǵý jaǵdailary tirkelgen.
Jańa erejelerge sáikes turǵyndar qaladan kete almaidy, tek shuǵyl qajettilik týyndaǵan jaǵdaida ǵana shyǵa alady. Ispaniia astanasyndaǵy barlar men meiramhanalar endi keshki 10-ǵa deiin jabylyp, adam syiymdylyǵyn eki ese qysqartýy tiis.
Reseide ekinshi kún qatarynan aýrýǵa shaldyǵýdyń jańa jaǵdailarynyń sany boiynsha rekord jańarýda. Senbi kúni elde 12 846 adamnan koronavirýs anyqtalǵan. Olardyń úshten biri Máskeýde tirkelgen.
Qala meri Sergei Sobianin kelesi apta koronavirýsqa bailanysty jaǵdaidy «sheshýshi» apta bolatynyn aitty. Ekonomikalyq sebepterge bailanysty bilik «asa qajet emes» sharalardan aýlaq bolǵysy keledi.
