Germaniia tarihynda bútin bir dáýir - tas kómirdi óndirý dáýiri aiaqtaldy, dep habarlaidy "Ult aqparat" Deutsche Welle saityna silteme jasap.
Nemister tas kómir óndirisin 900 jyldan astam ýaqyt buryn qolǵa alǵan. Keshe, 21 jeltoqsan kúni kezinde Germaniia ekonomikasynyń órleýine qýatty serpin bergen salalardyń biri tolyǵymen kelmeske ketti. Buryn kenshiler qalasy bolǵan Botropede eldegi eń sońǵy kómir shahtasy Prosper-Haniel saltanatty jaǵdaida jabyldy.
Eýropadaǵy kómir derjavalary arasynda Germaniia bul dástúrli salany joiǵan alǵashqy memleket emes. Belgiiada sońǵy shahta - 1992 jyly, Frantsiiada - 2004 jyly jáne Ulybritaniiada 2015 jyly jabyldy. Atalmysh elderdiń barlyǵynda tas kómir óndirisi ekonomikalyq sebepterge bailanysty toqtatyldy. Odan ekologiialyq qaýipsizdik turǵysynan (halyqty tútinnen, al jahandyq klimatty - parnikti gazdardyń taralýynan qorǵaý) bas tartý - sońǵy kezdegi úrdisterdiń biri.
Shahtanyń saltanatty jabylý rásimine Germaniia prezidenti Frank-Valter Shtainmaier qatysty. Shara barysynda oǵan sońǵy óndirilgen salmaǵy 7 keli tas kómir tabys etildi. Shtainmaier tas kómirdiń bul kesegi «tarihtyń bir bóligi» bolyp tabylatynyn atap ótti.
