Vaktsinalar men biomeditsinalyq preparattar nemis federaldy institýty PEI (Paýl Erlih institýty) COVID-19 koronavirýsyna qarsy vaktsinany klinikalyq testileýge alǵashqy ruqsatty berdi, dep habarlaidy Deutsche Welle agenttigi.
Aita ketý kerek, búginde bul – klinikalyq synaqtardy júrgizýge ruqsat alǵan álemdegi tórtinshi vaktsina.
Bastapqy kezeńde testileýge 18 den 55 jasqa deiingi 200 saý adam qatysady. Olar preparattyń ártúrli dozalaryn alatyny týraly habarlanǵan. Synamanyń ekinshi kezeńine aýrý qaýpi joǵary adamdar óz erkimen qatysady.
Testilik vaktsinany Maints qalasyndaǵy BioNTech kompaniiasy jasaǵan.
«Biz Germaniiada klinikaǵa deiingi zertteýlerdiń aiaqtalǵanyna qýanyshtymyz jáne kóp uzamai adamdarǵa alǵashqy synama jasaýdy bastaimyz. Baǵdarlamanyń basynan bastap synaq bastalǵanǵa deiingi ótý jyldamdyǵy osy mańyzdy protsestiń barlyq qatysýshylary joǵary deńgeide tartylǵanyn kórsetedi», - dep málimdedi BioNTech Bas direktory jáne teń quryltaishysy Ýgýr Sahin.
