Germaniia federaldyq úkimeti karantin sharalaryn jeńildetýge nietti, biraq aýrý juqtyrýshylar sany kúrt ósken jaǵdaida tótenshe jaǵdai rejimin qaita engizýi múmkin, dep habarlaidy DPA agenttigi.
Kantsler Angela Merkel men 16 óńirdiń úkimet basshylary sársenbi kúni tústen keiin telefon konferentsiiasyn júrgizip, virýstyń taralýynyń aldyn alý úshin engizilgen shekteýlerdi jeńildetetini týraly kelisedi.
Sheshim jobasyna sáikes, federaldyq úkimet iri sharalardy ótkizýge, sonyń ishinde festivaldar men sporttyq sharalarǵa tamyz aiynyń sońyna deiin tyiym salady. Berlin búkil el aýmaǵyndaǵy dúkenderdiń ashylǵanyn qoldap otyr. Degenmen, klientter arasyndaǵy qashyqtyq 1,5 metr bolýy mindetti.
Federaldyq úkimet balalardyń qaýipsizdigin qamtamasyz etý boiynsha qatań nusqaýlyqtarǵa sáikes, barlyq mektep oqýshylarynyń jazǵy kanikýldarǵa shyǵýy úshin synyptarǵa kezeń-kezeńimen oralýyn qarastyryp jatyr.
Býndesliga mamyr aiynyń ortasynda matchtarǵa ruqsat beredi. Biraq, olar eki aptalyq karantindi saqtaýy tiis. Kórermensiz ótetin oiyndar 15 nemese 21 mamyrda bastalady dep josparlanýda.
Budan bólek, federaldyq úkimet koronavirýsqa qatysty qosymsha shekteýlerdi jeńildetý sharalaryna jaýapkershilikti federaldyq jerlerge bermekshi.
Angela Merkel 20 sáýirde aýrý juqtyrýdyń jańa jaǵdailary ósetin bolsa, qatań shekteýlerdi qaita engizetinin málim etti.
