گەرمانييا فەدەرالدىق ٷكٸمەتٸ كارانتين شارالارىن جەڭٸلدەتۋگە نيەتتٸ, بٸراق اۋرۋ جۇقتىرۋشىلار سانى كٷرت ٶسكەن جاعدايدا تٶتەنشە جاعداي رەجيمٸن قايتا ەنگٸزۋٸ مٷمكٸن, دەپ حابارلايدى DPA اگەنتتٸگٸ.
كانتسلەر انگەلا مەركەل مەن 16 ٶڭٸردٸڭ ٷكٸمەت باسشىلارى سەرسەنبٸ كٷنٸ تٷستەن كەيٸن تەلەفون كونفەرەنتسيياسىن جٷرگٸزٸپ, ۆيرۋستىڭ تارالۋىنىڭ الدىن الۋ ٷشٸن ەنگٸزٸلگەن شەكتەۋلەردٸ جەڭٸلدەتەتٸنٸ تۋرالى كەلٸسەدٸ.
شەشٸم جوباسىنا سەيكەس, فەدەرالدىق ٷكٸمەت ٸرٸ شارالاردى ٶتكٸزۋگە, سونىڭ ٸشٸندە فەستيۆالدار مەن سپورتتىق شارالارعا تامىز ايىنىڭ سوڭىنا دەيٸن تىيىم سالادى. بەرلين بٷكٸل ەل اۋماعىنداعى دٷكەندەردٸڭ اشىلعانىن قولداپ وتىر. دەگەنمەن, كليەنتتەر اراسىنداعى قاشىقتىق 1,5 مەتر بولۋى مٸندەتتٸ.
فەدەرالدىق ٷكٸمەت بالالاردىڭ قاۋٸپسٸزدٸگٸن قامتاماسىز ەتۋ بويىنشا قاتاڭ نۇسقاۋلىقتارعا سەيكەس, بارلىق مەكتەپ وقۋشىلارىنىڭ جازعى كانيكۋلدارعا شىعۋى ٷشٸن سىنىپتارعا كەزەڭ-كەزەڭٸمەن ورالۋىن قاراستىرىپ جاتىر.
بۋندەسليگا مامىر ايىنىڭ ورتاسىندا ماتچتارعا رۇقسات بەرەدٸ. بٸراق, ولار ەكٸ اپتالىق كارانتيندٸ ساقتاۋى تيٸس. كٶرەرمەنسٸز ٶتەتٸن ويىندار 15 نەمەسە 21 مامىردا باستالادى دەپ جوسپارلانۋدا.
بۇدان بٶلەك, فەدەرالدىق ٷكٸمەت كوروناۆيرۋسقا قاتىستى قوسىمشا شەكتەۋلەردٸ جەڭٸلدەتۋ شارالارىنا جاۋاپكەرشٸلٸكتٸ فەدەرالدىق جەرلەرگە بەرمەكشٸ.
انگەلا مەركەل 20 سەۋٸردە اۋرۋ جۇقتىرۋدىڭ جاڭا جاعدايلارى ٶسەتٸن بولسا, قاتاڭ شەكتەۋلەردٸ قايتا ەنگٸزەتٸنٸن مەلٸم ەتتٸ.
