Germaniia eńbek agenttigi 70 mamandyq boiynsha 1,2 million maman jetispeitinin eskertedi. Bul týraly "Nemis tolqyny" habarlady.
"Qazir barlyq salada maman men taǵylymgerge muqtaj kompaniialar sany artyp keledi. Bul orta biznestiń báseke qabiletine, demek tutas Germaniiaǵa qaýip tóndiredi" dedi Germaniia shaǵyn jáne orta kásiporyndar birlestiginiń (BVMW) atqarýshy direktory Markýs Ierger 23 qyrkúiek kúni jaryq kórgen suhbatta.
Iergerdiń sózinshe, bilikti mamandardyń jetispeýinen kóptegen kásiporyn tapsyrystarynan bas tartyp jatyr. Kásibi bilimi bar adamdarǵa súienetin mekemelerdiń jaǵdaiy odan da aýyr.
"Germaniiada 390 kásip boiynsha bilim beredi, sonyń barlyǵynda derlik jańa stýdent jetispeidi" deidi ol.
Birlestik maman tapshylyǵyn bilikti eńbek migranttaryn aldyrý arqyly sheshýge shaqyrdy.
Eńbek jónindegi federaldyq agenttik 70 kásip boiynsha maman jetpei jatqanyn aitady.
2012 jyly tamyzda Eýroodaqtan tys elderden bilikti mamandardy aldyrý úshin "Kók kartany" (Blue Card) engizgen. Biraq bul baǵdarlama nátije bere qoimady. Sarapshylar muny Germaniianyń eńbek migranttary arasynda tanymal bolmaýymen bailanystyrady. Biraq keiingi jyldary Germaniia sheteldik jumysshylarǵa qoiylatyn talapty edáýir jeńildetken.
