گەرمانييا ەڭبەك اگەنتتٸگٸ 70 ماماندىق بويىنشا 1,2 ميلليون مامان جەتٸسپەيتٸنٸن ەسكەرتەدٸ. بۇل تۋرالى "نەمٸس تولقىنى" حابارلادى.
"قازٸر بارلىق سالادا مامان مەن تاعىلىمگەرگە مۇقتاج كومپانييالار سانى ارتىپ كەلەدٸ. بۇل ورتا بيزنەستٸڭ بەسەكە قابٸلەتٸنە, دەمەك تۇتاس گەرمانيياعا قاۋٸپ تٶندٸرەدٸ" دەدٸ گەرمانييا شاعىن جەنە ورتا كەسٸپورىندار بٸرلەستٸگٸنٸڭ (BVMW) اتقارۋشى ديرەكتورى ماركۋس يەرگەر 23 قىركٷيەك كٷنٸ جارىق كٶرگەن سۇحباتتا.
يەرگەردٸڭ سٶزٸنشە, بٸلٸكتٸ مامانداردىڭ جەتٸسپەۋٸنەن كٶپتەگەن كەسٸپورىن تاپسىرىستارىنان باس تارتىپ جاتىر. كەسٸبي بٸلٸمٸ بار ادامدارعا سٷيەنەتٸن مەكەمەلەردٸڭ جاعدايى ودان دا اۋىر.
"گەرمانييادا 390 كەسٸپ بويىنشا بٸلٸم بەرەدٸ, سونىڭ بارلىعىندا دەرلٸك جاڭا ستۋدەنت جەتٸسپەيدٸ" دەيدٸ ول.
بٸرلەستٸك مامان تاپشىلىعىن بٸلٸكتٸ ەڭبەك ميگرانتتارىن الدىرۋ ارقىلى شەشۋگە شاقىردى.
ەڭبەك جٶنٸندەگٸ فەدەرالدىق اگەنتتٸك 70 كەسٸپ بويىنشا مامان جەتپەي جاتقانىن ايتادى.
2012 جىلى تامىزدا ەۋرووداقتان تىس ەلدەردەن بٸلٸكتٸ مامانداردى الدىرۋ ٷشٸن "كٶك كارتانى" (Blue Card) ەنگٸزگەن. بٸراق بۇل باعدارلاما نەتيجە بەرە قويمادى. ساراپشىلار مۇنى گەرمانييانىڭ ەڭبەك ميگرانتتارى اراسىندا تانىمال بولماۋىمەن بايلانىستىرادى. بٸراق كەيٸنگٸ جىلدارى گەرمانييا شەتەلدٸك جۇمىسشىلارعا قويىلاتىن تالاپتى ەدەۋٸر جەڭٸلدەتكەن.
