Germaniia úkimeti seisenbi kúni osy el aýmaǵynda jumys jasap kelgen sáláfilik «Taza din» uiymyna tyiym salyp, top múshelerin jastardy radikalizmge uryndyrdy dep aiyptady.
Berlinde sóz sóilegen Germaniianyń ishki ister ministri Tomos de Mezier osy eldegi «Taza din» atty sáláfilik uiymǵa tyiym salynǵanyn zańdy túrde málimdedi. Onyń aitýynsha, bul dini uiym 140 jasty radikalizmge uryndyryp, olardyń Siriia men Iraqqa baryp, ekstremistermen birge soǵysýyna sebep bolǵan.
Turǵyndarǵa júzdegen myń Quran men tápsir kóshirmelerin taratyp úlgergen uiym, Germaniianyń 10 federaldyq aimaǵynda zańsyz dep jariialandy. Reiterstiń habarlaýynsha, Germaniianyń barlaý qyzmeti «Taza din» uiymynyń jetekshisi Ibrahim Ábý Nagidi Saýd Arabiiasynan shyqqan sáláfizmniń basty nasihatshysy dep sipattaǵan.
Tomos de Mezier atalmysh uiymnyń qyzmetine tyiym salynǵanymen, basqa dini tulǵalardyń Germaniiada zańdy túrde Quran taratýyna kedergi jasalmaitynyn, dini nanym-senim bostandyǵynyń shektelmeitinin eskertti.
"Almaty aqshamy"
