Syrtqy ister ministrligi men Ishki ister ministrligi Qazaqstan azamattaryna pasportty resimdeý merzimderin qysqartý boiynsha «pilottyq jobany» júzege asyryp jatyr, dep habarlaidy "Ult aqparat" vedomstvo saityna silteme jasap.
Vedomstvo shet elderde memlekettik qyzmet kórsetý protsesin ońtailandyrý sheńberinde, ásirese COVID-19 pandemiiasyna bailanysty jaǵdaida, qyzmet kórsetýdiń merzimderin qysqartýǵa erekshe kóńil bólip otyr.
«Qazirgi ýaqytta SIM men IIM Germaniia aýmaǵynda turyp jatqan Qazaqstan azamattaryna pasportty resimdeý merzimderin qysqartý boiynsha «pilottyq jobany» júzege asyrýda. Budan buryn memlekettik qyzmet kórsetýdiń merzimi 80 kún bolsa, endigide memlekettik organdardyń birlesken is-qimyly arqasynda qyzmet kórsetýdiń merzimi 30 kúnge deiin qysqardy», delingen habarlamada.
Ministrliktiń málimdeýinshe, búginde Qazaqstannyń Germaniiadaǵy sheteldik mekemeleri arqyly ótinish bildirgen 33 azamat pasportyn jańadan bekitilgen merzim ishinde aldy.
Aita ketetini, «pilottyq joba» Reseidegi QR Elshiliginde jáne AQSh-taǵy QR sheteldik mekemelerinde sátti júzege asyrylyp keledi. Pasport resimdeý merzimin qysqartýdy kózdeitin elderdiń tizimin keńeitý jalǵasady.
