Dál osyndai ataýmen eki el arasyndaǵy mamandar qatysqan beinekonferentsiia ótti. Osy eki jaqty talqylaý barysynda, aýyl sharýashylyǵynyń birinshi vitse-ministri Aidarbek Saparov pen Germaniia federaldyq ministrligi janyndaǵy parlamenttik stats-hatshysy Ýve Failer klimattyń aýyl sharýashylyǵyna áserin sóz etti, - dep habarlaidy «Ult aqparat».
Talqyda klimattyń ózgerýiniń azyq-túlik qaýipsizdigine jáne agroónerkásiptik keshenniń damýyna áseri men eki eldiń agrarlyq saiasatynyń ózekti aspektileri aityldy. Sonymen qatar, Qazaqstanǵa zamanaýi aýyl sharýashylyǵy tehnikasynyń importy sóz boldy.
«Eń aldymen Germaniianyń batysyndaǵy kóptegen adam shyǵyny men qiraýyna ákep soqqan sý tasqynyna bailanysty kóńil aitamyn. Bul bir aýyr jaǵdai boldy. Eldiń amandyǵyn tileimin. Al, endi, máselege kóshsek, ózderińiz biletindei, qurǵaqshylyqtan zardap shekken fermerlerge Úkimet tarapynan jan-jaqty kómek kórsetildi. Sonymen qatar, azyqqa jumsalǵan shyǵyndardyń ótelip, turaqtandyrý qoryn qalyptastyrý úshin fermerlik sharýashylyqqa daiyndalǵan pishendi satyp alýǵa jáne jetkizýge, kebek satyp alýǵa qarajat bólindi», - dedi aýyl sharýashylyǵynyń birinshi vitse-ministri Aidarbek Saparov.
Vitse-ministrdiń aitýynsha, klimattyq jaǵdailar kez kelgen ózgerisi aýyl sharýashylyǵyna áser etedi. Al qurǵaqshylyqpen kúres tásilderin qaita qaraý qajettigi týraly máseleniń pisip-jetilgen.
«Sonymen qatar, búgingi Tótenshe jaǵdailar týraly ǵana emes, bolashaqta osyndai jaǵdailardyń aldyn alý týraly da oilaný qajet», - dedi birinshi vitse-ministr.
Bolashaqta eýrodotatsiialar klimatty qorǵaý jáne qorǵaý sharalaryna bailanysty bolatynyn aitqan Germaniia federaldyq ministrligi janyndaǵy parlamenttik stats-hatshysy Ýve Failer óz tájiribelerimen bólisti. Onyń aitýynsha, briýsseldegi kelissózder turaqty aýyl sharýashylyǵy týraly ideialardyń durys ekenin kórsetken. Atap aitqanda, tikelei tólemderdiń kem degende 25% - y klimatty qorǵaý jáne tabiǵatty qorǵaý boiynsha erikti sharalarǵa bailanysty bolady. Bul degenimiz, adamdar jer ýchaskelerin iemdengeni úshin aqsha almaidy degen sóz. Iaǵni tólemder bul jerdiń qalai óńdeletinine bailanysty bolmaq.
«Biz pestitsidterdi, tyńaitqyshtardy, antibiotikterdi qoldanýdy azaitýdy qoldaimyz, biraq bul maqsattar fermerler úshin naqty bolýy kerek. Pestitsidterdiń kómegimen ónimniń kólemi men sapasy qamtamasyz etiledi. Ósimdik aýrýlary áli kúnge deiin barlyq eginniń 40%-yn joiady», - dedi Parlamenttik stats-hatshy Ýve Failer.
Al Aýyl sharýashylyǵynyń birinshi vitse-ministri Aidarbek Saparovtyń aitýynsha, de 2021-2025 jyldarǵa arnalǵan AÓK ulttyq jobasyn iske asyrý aiasynda sý únemdeý tehnologiialaryn keńinen engizý, sý berýdi sýbsidiialaý tetigin jetildirý boiynsha sharalar qabyldanatyn bolady. Belgili bolǵanyndai, qýattylyǵy jylyna 1000 qondyrǵyǵa deiingi zamanaýi sýarý júielerin shyǵaratyn zaýyt qurylysynyń jobasy iske asyrylady. Bul sý únemdeý tehnologiialaryn qoldaný alańdaryn 15-ten 21%-ǵa deiin ulǵaitýǵa múmkindik berse, sondai-aq 3 mln tonna kóleminde qosymsha aýyl sharýashylyǵy ónimderin óndirýdi qamtamasyz etpek.
Sonymen, beinekezdesý barysynda taraptar aýyl sharýashylyǵy salasyndaǵy qazaqstan-german qatynastarynyń turaqty damýyn atap ótti. Beinekonferentsiianyń eýropalyq qatysýshylary Qazaqstannyń AÓK salasyndaǵy jobalardy iske asyrýǵa qyzyǵýshylyq tanytty.
Esterińizge sala keteiik, Germaniia men Qazaqstan arasyndaǵy agrarlyq azyq-túlik sektory salasyndaǵy yntymaqtastyq týraly ekijaqty konsýltatsiialary talqylandy. Talqyda klimattyń ózgerýiniń azyq-túlik qaýipsizdigine jáne agroónerkásiptik keshenniń damýyna áseri men eki eldiń agrarlyq saiasatynyń ózekti aspektileri aityldy. Sonymen qatar, Qazaqstanǵa zamanaýi aýyl sharýashylyǵy tehnikasynyń importy sóz boldy. Osy eki jaqty talqylaý barysynda, aýyl sharýashylyǵynyń birinshi vitse-ministri Aidarbek Saparov pen Germaniia federaldyq ministrligi janyndaǵy parlamenttik stats-hatshysy Ýve Failer klimattyń aýyl sharýashylyǵyna áserin sóz etken bolatyn.
