Germaniia biligi qatań karantindik sharalardan bas tartpaitynyn jetkizdi. Federaldy úkimet pen federaldy jer biliginiń ókilderi karantindi 14 aqpanǵa deiin uzartýǵa kelisti.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram arnasynan málim boldy, dep habarlaidy "Ult aqparat".
«Qazirgi ýaqytty Berlinde qatań shekteý sharalaryn engizý múmkindigi talqylanýda. Olardyń ishinde - qoǵamdyq kólik jumysyna shekteýler qoiý jáne qorǵanys deńgeii joǵary betperdelerdi mindetti túrde taǵý sharalary bar», - delingen habarlamada.⠀
Al Italiia Eýropadaǵy ólim-jitim boiynsha ekinshi orynda – ótken táýlikte 600-den astam adam qaitys boldy. El Úkimeti koronavirýstyń «belsendi taralýynyń» jańa kezeńin jariialady. Qazirgi ýaqytta aimaqtar arasyndaǵy qozǵalysqa tyiym salynýda. Atalǵan shekteýler 15 aqpanǵa deiin, al túngi komendanttyq saǵat 5 naýryzǵa deiin jalǵasady.
AQSh COVID-19 juqtyrý sany men ólim deńgeii boiynsha kóshbastap tur. Kaliforniia, virýsty juqtyrǵandardyń sany 3 millionnan asqan AQSh-tyń alǵashqy shtaty boldy. Jalpy memlekette 24 millionnan astam jaǵdai anyqtalǵan, 400 myńǵa jýyq el azamaty qaitys bolǵan. Eki kórsetkish boiynsha da el álemde birinshi orynda.
