Foto: gettyimages.com
Memleket basshysy Qasym-Jomart Toqaevtyń shaqyrýymen Germaniia federaldyq kantsleri Olaf Sholts 2024 jylǵy 16-17 qyrkúiekte Qazaqstanǵa resmi saparmen keledi, dep habarlaidy Aqorda.
QR Prezidentiniń baspasóz qyzmetiniń resmi Telegram-arnasynda habarlanǵandai, sapar barysynda Astanada joǵary deńgeidegi kelissózder, sondai-aq "Ortalyq Aziia + Germaniia" formatyndaǵy ekinshi kezdesý ótedi.
Eske sala keteiik, 2023 jyldyń kúzinde Qasym-Jomart Toqaev Germaniiada eki kúnge – 28 jáne 29 qyrkúiekke sozylǵan resmi saparmen boldy. Berlinde Qazaqstan Prezidenti federaldyq kantsler Olaf Sholtspen jeke quramda kelissózder júrgizdi. Sodan keiin memleket basshylary keńeitilgen quramda kelissózder júrgizdi. Basshylar sondai-aq vizalyq rejimdi talqylady, kantsler bizdiń elmen jan-jaqty yntymaqtastyqty keńeitýge múddeli ekenin rastady.
