Germaniia úkimeti 2026 jyldyń sońyna deiin aýqymdy zeinetaqy reformasyn parlamenttiń qaraýyna usynýdy josparlap otyr. Bul týraly el kantsleri Fridrih Merts málimdedi, dep habarlaidy ult.kz.
Usynylyp otyrǵan ózgeristerge sáikes, bilik zeinetke shyǵý jasyn kezeń-kezeńimen arttyrýdy, merziminen buryn zeinetke shyǵý múmkindikterin shekteýdi jáne zeinetaqy jinaqtaryn qalyptastyrý júiesin ózgertýdi kózdep otyr.
Basty bastamalardyń biri retinde kapital naryǵynyń memlekettik qoryn qurý josparlanýda. Bul qorǵa jyl saiyn keminde 30 milliard eýro kólemindegi zeinetaqy jarnalary aýdarylmaq.
Mertstiń aitýynsha, reforma halyqtyń ómir súrý uzaqtyǵynyń artýy men demografiialyq ózgeristerge bailanysty qolǵa alynýda.
«Eger adamdar uzaq ómir súrip, jasy ulǵaisa, onda olar sál uzaǵyraq jumys isteýge de daiyn bolýy kerek», – dedi kantsler.
Zań jobasy aldaǵy ailarda parlamentke engiziledi dep kútilýde. Eger qujat maquldansa, bul Germaniiadaǵy sońǵy jyldardaǵy eń iri zeinetaqy reformalarynyń birine ainalmaq.
