ESPN tilshisi Salvador Rodriges meksikalyq boksshy Haime Mýngiianyń (36-0, 29 KO) múddesin qorǵaityn Zanfer Promotions kompaniiasymen habarlasty, dep habarlaidy Sports.kz saity.
Jospar boiynsha Mýngiia 7 mamyrda kezekti kezdesýin Gennadii Golovkinge (41-1-1, 36 KO) qarsy ótkizýi qajet bolatyn. Alaida sońǵy aqparattar boiynsha Haimeniń 24 sáýir kúni óner kórsetetini belgili boldy. Bul degenińiz - meksikalyq boksshy Golovkinmen bul jol kezdespeidi degen sóz. Mýngiianyń jekpe-jegi týraly egjei-tegjeili málimetter aldaǵy aptada jariialanbaq.
Aita keteiik, Gennadii Golovkin men Mýngiia 2018 jyly-aq kezdesýi múmkin edi. Ol kezde Nevada shtatynyń komissiiasy 24 jastaǵy boksshynyń mundai dárejedegi jarysta óner kórsetýi úshin tájiribesi jetkiliksiz dep tapty.
