Atalǵan filmde bokstyń "altyn ǵasyry" jaiynda baiandalady. Al GGG men "Kanelo" arasyndaǵy jekpe-jek sol bir kezeńdi qaita asha alady, dep xabarlaidy QazAqparat tilshisi.
Filmniń rejisseri - Oskar de la Hoiia. Ol - meksikalyq boksshy Saýl Alvarestiń promoýteri. Oǵan Golovkinniń promoýteri Tom Leffler de kómektesken. Stsenarii boiynsha kadrdan tys daýys birinshi jaqtan sóileidi. "Men - bokspyn!" dep bastaidy qońyr daýys. Sodan bastap ol óziniń "altyn dáýirin" eske alady. Filmde túsken promoýter Don Chardjin de kásibi bokstaǵy uly tulǵalar jaiynda baiandaidy. Osydan keiin reper Ice Cube bokstan kúsh-qýat pen jyldamdyqty talap etedi, bokstyń ózi de sol qasietterdiń qaityp kelgenin tileidi. Sóitip, rejisser 16 qyrkúiek kúni Golovkin men Alvares arasyndaǵy jekpe-jekte burynǵy naǵyz bokstyń qaita oianatynyn aitqysy keledi.
Aita keteiik, atalǵan film Golovkin men Alvarestiń London, Niý-Iork men Los-Andjeles qalalarynda ótken press-týry barysynda kórsetildi. Buǵan deiin GGG óz paraqshasynda press-týrdyń videosyn jariialaǵan bolatyn. Budan bólek, Golovkin Meksikanyń ózinde jankúierleriniń az emes ekenin kórsetti.
