اتالعان فيلمدە بوكستىڭ "التىن عاسىرى" جايىندا باياندالادى. ال GGG مەن "كانەلو" اراسىنداعى جەكپە-جەك سول بٸر كەزەڭدٸ قايتا اشا الادى, دەپ xابارلايدى قازاقپارات تٸلشٸسٸ.
فيلمنٸڭ رەجيسسەرٸ - وسكار دە لا حوييا. ول - مەكسيكالىق بوكسشى ساۋل الۆارەستٸڭ پروموۋتەرٸ. وعان گولوۆكيننٸڭ پروموۋتەرٸ توم لەففلەر دە كٶمەكتەسكەن. ستسەناريي بويىنشا كادردان تىس داۋىس بٸرٸنشٸ جاقتان سٶيلەيدٸ. "مەن - بوكسپىن!" دەپ باستايدى قوڭىر داۋىس. سودان باستاپ ول ٶزٸنٸڭ "التىن دەۋٸرٸن" ەسكە الادى. فيلمدە تٷسكەن پروموۋتەر دون چاردجين دە كەسٸبي بوكستاعى ۇلى تۇلعالار جايىندا باياندايدى. وسىدان كەيٸن رەپەر Ice Cube بوكستان كٷش-قۋات پەن جىلدامدىقتى تالاپ ەتەدٸ, بوكستىڭ ٶزٸ دە سول قاسيەتتەردٸڭ قايتىپ كەلگەنٸن تٸلەيدٸ. سٶيتٸپ, رەجيسسەر 16 قىركٷيەك كٷنٸ گولوۆكين مەن الۆارەس اراسىنداعى جەكپە-جەكتە بۇرىنعى ناعىز بوكستىڭ قايتا وياناتىنىن ايتقىسى كەلەدٸ.
ايتا كەتەيٸك, اتالعان فيلم گولوۆكين مەن الۆارەستٸڭ لوندون, نيۋ-يورك مەن لوس-اندجەلەس قالالارىندا ٶتكەن پرەسس-تۋرى بارىسىندا كٶرسەتٸلدٸ. بۇعان دەيٸن GGG ٶز پاراقشاسىندا پرەسس-تۋردىڭ ۆيدەوسىن جارييالاعان بولاتىن. بۇدان بٶلەك, گولوۆكين مەكسيكانىڭ ٶزٸندە جانكٷيەرلەرٸنٸڭ از ەمەس ەكەنٸن كٶرسەتتٸ.
