Boksshy men ákim Gennadiidiń balalyq shaǵy ótken «Maiqudyq» shaǵynaýdanyndaǵy sport nysandaryn qalpyna keltirý máselesin talqylady, – dep habarlaidy «Ult aqparat».
«Gennadii Golovkinmen kezdesip, Niý-Iorktegi jeńisimen quttyqtaýǵa múmkindik týdy. Birge otyryp Qaraǵandy oblysynyń sport salasynyń damýyn talqyladyq. Gennadii erekshe jylylyqpen jáne qamqorlyqpen «Maiqudyqtyń» sport infraqurylymy týraly surady. Kelesi jyly ataqty «Liteishik» stadionyn qalpyna keltirýmen ainalysamyz jáne Magnitogorskaia kóshesin tolyq jóndeýden ótkizemiz dep ýáde berdim» dep jazdy oblys ákimi Jeńis Qasymbek Facebook paraqshasynda.
Aita keteiik, «Liteishik» stadiony Maiqudyq yqshamaýdanynda ornalasqan. 70-80 jyldary ol qalanyń tanymal sport nysandarynyń biri boldy. Munda 1979 jáne 1980 jyldardaǵy Qaraǵandy oblysynyń chempiony, 1980 jylǵy Qazsovprof kýbogynyń iegeri atanǵan «Liteishik» zaýytynyń fýtbol komandasy oinaǵan bolatyn.
