Foto: Olympic.kz
Qazaqstan Ulttyq Olimpiadalyq komitetiniń prezidenti Gennadii Golovkin grek-rim kúresinen álem chempiony Aidos Sultanǵalimen kezdesti, dep habarlaidy Ult.kz.
Kezdesý barysynda UOK basshysy sportshyny 2025 jyly Horvatiianyń Zagreb qalasynda ótken álem chempionatynda jeńip alǵan altyn medalimen quttyqtady.
Eske sala keteiik, Aidos Sultanǵali 60 kelige deiingi salmaq dárejesinde top jaryp, sońǵy 26 jylda jáne XXI ǵasyrda Qazaqstannyń grek-rim kúresindegi alǵashqy altyn júldesin el qorjynyna saldy.
"Aidos joǵary sheberlik pen tabandylyq tanytty. Onyń jeńisi - kóp jylǵy eńbektiń jáne maqsatqa júieli túrde umtylýdyń nátijesi. Bul jetistik tek grek-rim kúresi úshin ǵana emes, jalpy qazaq sporty úshin de úlken mańyzǵa ie.
Endi osy qarqyndy saqtap, Los-Andjelestegi Olimpiada oiyndaryna tyńǵylyqty daiyndyqty jalǵastyrý qajet.
Ulttyq Olimpiadalyq komitet óz tarapynan barlyq qajetti qoldaýdy kórsetýge daiyn. Aidosqa jańa olimpiadalyq maýsymda sáttilik pen tabys tileimin", - dedi Gennadii Golovkin.
Aita keteiik, Aidos Sultanǵali buǵan deiin de 2018 jáne 2022 jyldary álem chempionatynyń qola júldegeri atanǵan. Sondai-aq onyń enshisinde qurlyq birinshiligindegi jeńis te bar.
