Orta salmaqtaǵy qazaqstandyq chempion Gennadii Golovkin Yahoo! Japan tilshisine 29 jeltoqsan kúni ótetin Riota Mýratamen aiqasynan keiingi josparymen bólisip, sporttaǵy mansabyn aiaqtaǵan soń ne isteitinin aitty, dep habarlaidy QazAqparat Sports.kz saityna silteme jasap.
- Árine, qazir siz Riota Mýratamen bolatyn jekpe-jekke daiyndyq ústindesiz. Degenmen osy aiqastan keiin qandai da bir josparlaryńyz bar ma?
- Meniń qalaýym – Otanyma oralyp, Jańa jyldy jaqyndarymmen qarsy alý. Mýratamen bolatyn jekpe-jektiń mańyzy sonshalyq, qazir odan basqa eshteńe oilai almaimyn.
- Kelesi jyly siz 40 jasqa kelesiz. Zeinetke shyqqannan keiin nemen ainalysatynyńyz týraly oilandyńyz ba?
- Men áli kúnge deiin kásibi boksshymyn, sol sebepti ázirge bul suraqqa jaýap berýge daiyn emespin. Men úshin bul jańa bastama bolady dep oilaimyn. «40-ta ómir endi bastalady» deidi ǵoi. Sol siiaqty meniń jumysym kóp bolady. Bárinen buryn, otbasymmen ýaqyt ótkizemin. Otaǵasy retinde meniń alańdaityn kúnderim áli alda.
