© Sputnik / Sergei Kim
Almaty oblysy Politsiia departamentiniń burynǵy basshysy Serik Kúdebaev úkim jariialanatyn kezde sotqa kelmegen, - dep habarlaidy "Ult aqparat" Jetisý oblystyq sotynyń baspasóz qyzmetine silteme jasap.
Kúdebaevqa qatysty qylmystyq is boiynsha sot talqylaýy 3 sáýirge saǵat 10:00-ge shegerildi.
"Sottalýshynyń sot otyrysyna kelmeýine bailanysty sottalýshynyń dáleldi sebepterin rastaityn málimetter joq.
Soǵan bailanysty Qylmystyq is júrgizý kodeksiniń 157 jáne 335-baptaryna sáikes, sot Kúdebaevty kórsetilgen ýaqytqa májbúrlep ákelý týraly qaýly shyǵardy", - delingen sot habarlamasynda.
Aita keteiik, 10 naýryzda general Kúdebaevtyń aýrýhanaǵa túskeni belgili boldy. Sol kúni ol sotqa kelýi kerek edi, onda oǵan qatysty úkim shyǵarylatyny aitylǵan. Alaida burynǵy politsiia bastyǵynyń sot protsesi belgisiz merzimge shegerildi. Sodan soń úkimdi jariialaý taǵy úsh ret keiinge qaldyryldy.
Buǵan deiin politsiia general-maiory Serik Kúdebaev "bilikti nemese laýazymdyq ókilettigin asyra paidalanǵany úshin" ortasha qaýipsizdik koloniiasynda toǵyz jylǵa deiin bas bostandyǵynan aiyrylýy múmkin ekeni aityldy.
Eske salaiyq, Kúdebaev byltyr sáýirdiń aiaǵynda óz erkimen qyzmetinen bosatyldy. Al mamyrda ol qańtar oqiǵasy boiynsha kúdikti dep tanyldy.
