Vladislav Avaev. © Baza
Máskeýde "Gazprombanktiń" burynǵy vitse-prezidenti Vladislav Avaevtyń januiasy óli tabyldy, - dep habarlaidy Tengrinews.kz.
Baza telegram-arnasynyń málimetinshe, 51 jastaǵy eks-bankir 47 jastaǵy áieli Elena men 13 jastaǵy qyzy Mariiany tapanshamen atyp, keiin óz-ózine qol jumsaǵan. Politseilerdiń bulai topshylaýyna qarý Avaevtyń qolynda bolǵany sebep.
Avaevtar otbasy músheleriniń máiitteri dúisenbide Ýniversitetskii dańǵylyndaǵy páterden tabylǵan - olardy birinshi bolyp týysy kórgen. Ol Avaevtar úiine uzaq ýaqyt boiy habarlasqan, biraq telefon tutqasyn eshkim kótermegen.
Eks-bankirdiń mundai áreketke barýyna qyzǵanysh bolýy da múmkin. BAQ málimetinshe, Avaevtyń áieli jeke júrgizýshisinen júkti bolǵan. Tergeý kórsetkendei, er adam áieli júkti ekenin bilip, otbasy múshelerin, keiin ózin óltirgen bolýy múmkin.
"Moskovskii komsomolets" málimetinshe, Vladislav Avaev bir kezderi Prezident isteri basqarmasynda jáne Memlekettik dýmada jumys istegen. Alaida ol keiin bizneske bet burǵan. "Gazprombankte" jumys istep, Reseidiń qarjy-sharýashylyq organdary OSK qamqorshylyq keńesiniń múshesi bolǵan. Keiinirek ol meditsinalyq bizneske aýysyp, "RT-karbon" kompaniiasyn basqarǵan, "Karboniks" kompaniiasy aktsiialarynyń baqylaý paketterin ielengen. Avaevtyń jary "Evrotsement" kompaniiasynda jumys istegen.
