Reseidiń "Gazprom" kompaniiasy Eýropadaǵy klientterine "ózderine múlde qatysy joq sebepterge bailanysty" gazdy ýaqytyly jetizip beretinine kepildik bere almaityny týraly habarlady. Bul jóninde kompaniia hatyna súiengen Reuters pen Bloomberg jazdy.
Áńgime Germaniia men onyń tóńiregine gaz aidaityn "Soltústik aǵym - 1" qubyry týraly bolyp otyr. Agenttik málimetine qaraǵanda, "Gazprom" haty osydan tórt kún buryn kelgen, alaida onda 14 maýsymnan bergi gaz jóninde sóz bolǵan.
Energy Aspects Trevor konsalting kompaniiasynyń ókili Sikorskidiń sózine qaraǵanda, fors-major týraly habarlandyrýdyń ótken kúnmen belgilengeni - "Gazpromnyń" 21 shildede "Soltústik aǵym - 1" qubyry arqyly gazdy qaita aidaýdy josparlap otyrmaǵanyn bildiredi. 21 shildede atalǵan gaz qubyrynyń josparly jóndeý jumystary aiaqtalýǵa tiis bolatyn.
