Gazette ózekti máseleler jan-jaqty zerttelip jazylyp jatyr. Tek qana oqý kerek. Elordada ótken qazaqtildi onlain kontent jasaýshylardyń forýmynda osyndai pikir aityldy, dep habarlaidy QazAqparat.
«Tehnologiia gazetti óltiredi degen pikir durys emes. «Gazet tiri qalýy úshin ne isteý kerek?» degen suraqqa jaýap kerek bolsa, birinshiden otandyq gazetterde salmaqty, zertteý maqalalar shyǵyp jatyr. Ekinshiden, «Men qazaqpyn», «Qazaq dástúri» siiaqty taqyryptardan ketti. Gazetterdi oqysańyz, jasandy intellekt, 5G, tórtinshi indýstriianyń artyqshylyqtary men múmkinshilikteri jáne basqa da ózekti máseleler tarqatylyp jazylyp jatyr. Tek qana oqý kerek», - deidi «Aiqyn» gazetiniń bas redaktory Nurmuhamed Baiǵaraev.
Onyń aitýynsha, qazirgi ýaqytta gazetter aptasyna bir ret qana shyqpaidy.
«Mysaly, «Egemen Qazaqstan» gazeti aptasyna bes ret, «Aiqyn» gazeti aptasyna tórt ret shyǵady. Televideniede jańalyqtar kúnine 4-5 ret beriledi. Jyldamdyq jaǵynan saittarǵa ilese almaǵanmen, impýls berýge tyrysady. Gazet «tiri» qalýy úshin naryqtaǵy básekelesterinde joq nárseni berýi kerek. Basty básekeles - saittar men dástúrli emes akkaýnttar bolýy múmkin. Gazetter bir kúnde bolǵan, jii talqylanyp jatqan máselelerdi jan-jaqty zerttep jazýy tiis. Gazette damýdyń basqa baǵyty joq. Ekinshiden, gazet óziniń tsifrlyq mediasyn damytýy kerek», - deidi ol.
