گازەتتە ٶزەكتٸ مەسەلەلەر جان-جاقتى زەرتتەلٸپ جازىلىپ جاتىر. تەك قانا وقۋ كەرەك. ەلوردادا ٶتكەن قازاقتٸلدٸ ونلاين كونتەنت جاساۋشىلاردىڭ فورۋمىندا وسىنداي پٸكٸر ايتىلدى, دەپ حابارلايدى قازاقپارات.
«تەحنولوگييا گازەتتٸ ٶلتٸرەدٸ دەگەن پٸكٸر دۇرىس ەمەس. «گازەت تٸرٸ قالۋى ٷشٸن نە ٸستەۋ كەرەك?» دەگەن سۇراققا جاۋاپ كەرەك بولسا, بٸرٸنشٸدەن وتاندىق گازەتتەردە سالماقتى, زەرتتەۋ ماقالالار شىعىپ جاتىر. ەكٸنشٸدەن, «مەن قازاقپىن», «قازاق دەستٷرٸ» سيياقتى تاقىرىپتاردان كەتتٸ. گازەتتەردٸ وقىساڭىز, جاساندى ينتەللەكت, 5G, تٶرتٸنشٸ يندۋسترييانىڭ ارتىقشىلىقتارى مەن مٷمكٸنشٸلٸكتەرٸ جەنە باسقا دا ٶزەكتٸ مەسەلەلەر تارقاتىلىپ جازىلىپ جاتىر. تەك قانا وقۋ كەرەك», - دەيدٸ «ايقىن» گازەتٸنٸڭ باس رەداكتورى نۇرمۇحامەد بايعاراەۆ.
ونىڭ ايتۋىنشا, قازٸرگٸ ۋاقىتتا گازەتتەر اپتاسىنا بٸر رەت قانا شىقپايدى.
«مىسالى, «ەگەمەن قازاقستان» گازەتٸ اپتاسىنا بەس رەت, «ايقىن» گازەتٸ اپتاسىنا تٶرت رەت شىعادى. تەلەۆيدەنيەدە جاڭالىقتار كٷنٸنە 4-5 رەت بەرٸلەدٸ. جىلدامدىق جاعىنان سايتتارعا ٸلەسە الماعانمەن, يمپۋلس بەرۋگە تىرىسادى. گازەت «تٸرٸ» قالۋى ٷشٸن نارىقتاعى بەسەكەلەستەرٸندە جوق نەرسەنٸ بەرۋٸ كەرەك. باستى بەسەكەلەس - سايتتار مەن دەستٷرلٸ ەمەس اككاۋنتتار بولۋى مٷمكٸن. گازەتتەر بٸر كٷندە بولعان, جيٸ تالقىلانىپ جاتقان مەسەلەلەردٸ جان-جاقتى زەرتتەپ جازۋى تيٸس. گازەتتە دامۋدىڭ باسقا باعىتى جوق. ەكٸنشٸدەن, گازەت ٶزٸنٸڭ تسيفرلىق مەدياسىن دامىتۋى كەرەك», - دەيدٸ ول.
