QR Ishki ister ministrligi Tótenshe jaǵdailar komitetiniń tóraǵasy Vladimir Bekker gazben júretin kólikterdi jabyq avtoturaqqa qoiýǵa nege tyiym salynǵanyn túsindirdi, dep habarlaidy QazAqparat.
Onyń aitýynsha, 2019 jyldyń jeltoqsanynda QR órt qaýipsizdigi erejelerine ózgertýler men tolyqtyrýlar engizgen Úkimet qaýlysy qabyldandy, onda gazben júretin kólikterdiń jabyq parkingterge kirýine tyiym salyndy.
«Mundai qadamǵa nelikten barǵanymyzdy túsindireiin. TJ komiteti taldaý júrgizip, gazben jabdyqtalǵan avtokólik órtiniń kóbeigenin anyqtady. Jyl saiyn respýblika boiynsha 2,5 myń avtokólikte órt tutanady. Sońǵy úsh jylda - 2016-2019 jyldary gazben jabdyqtalǵan kólikterde 374 órt bolyp, 5 adam mert bolǵan. Bul kórsetkish jyl saiyn artyp keledi. Máselen, 2016 jyly 74 órt bolsa, 2017 jyly – 80, 2018 jyly – 114, al 2019 jyly – 106 oqiǵa tirkelgen», - dedi komitet tóraǵasy Ortalyq kommýnikatsiialar qyzmetinde ótken baspasóz máslihatynda.
Sonymen birge, V. Bekker turǵyn úilerdiń avtoturaqtaryndaǵy gazdyń iisi týraly shaǵym kóbeigenin jetkizdi.
«Birneshe ret parkingterge baryp, bul avtokólikterdiń gazynan aitarlyqtai qaýip baryn, TJ, órt nemese jarylys bolýy múmkin ekenin anyqtadyq. Turǵyn úilerdegi gaz jarylý oqiǵalarynyń qanshama ret kýási boldyq. Gaz jarylysy óte qaýipti, ásirese tómengi qabattardaǵy jarylys tutas ǵimarattyń qulaýyna ákelip soǵady. Biz Qazaqstandaǵy qurylys normalaryn qarastyrdyq, onda ǵimarattarmen japsarlas salynǵan avtoturaqtarǵa gazben júretin kólik qoiýǵa tyiym salynǵan. Osyǵan bailanysty órt qaýipsizdigi erejelerine ózgerister engizý jobasyn jasadyq», - dep atap ótti ol.
Atalǵan joba Ulttyq kásipkerler palatasyna jiberildi.
2019 jyldyń 13 jeltoqsanynda Úkimet qaýlysy qabyldandy jáne 1 qańtardan bastap kúshine endi.
